«Арсенал» ҳужумчиси Кай Хаверц жорий мавсумдаги ўз иштирокига баҳо берди.

«Арсенал»ни ҳали олдинда учта турнир доирасида кўплаб ўйинлар кутмоқда. Мен жароҳат сабабли мавсумнинг дастлабки олти ойини ўтказиб юбордим. Энди эса Жаҳон чемпионатига катта ишонч билан йўл олиш учун бор кучимни клубга бағишлайман. Ушбу мундиалда муваффақиятга эришишни ва терма жамоа етакчисига айланишни истайман», — дея Хаверцнинг сўзларини келтиради FotMob нашри.

Жорий мавсумда Кай Хаверц «Арсенал» сафида барча турнирларда 14 та ўйинда майдонга тушиб, 3 та гол урди ва 2 та голли узатмани амалга оширди. Немис ҳужумчиси тиззасидан олган жароҳати сабабли мавсумнинг катта қисмини ўтказиб юборган эди.