«Arsenal» hujumchisi Kay Xavers joriy mavsumdagi o‘z ishtirokiga baho berdi.

«Arsenal»ni hali oldinda uchta turnir doirasida ko‘plab o‘yinlar kutmoqda. Men jarohat sababli mavsumning dastlabki olti oyini o‘tkazib yubordim. Endi esa Jahon chempionatiga katta ishonch bilan yo‘l olish uchun bor kuchimni klubga bag‘ishlayman. Ushbu mundialda muvaffaqiyatga erishishni va terma jamoa yetakchisiga aylanishni istayman», — deya Xaversning so‘zlarini keltiradi FotMob nashri.

Joriy mavsumda Kay Xavers «Arsenal» safida barcha turnirlarda 14 ta o‘yinda maydonga tushib, 3 ta gol urdi va 2 ta golli uzatmani amalga oshirdi. Nemis hujumchisi tizzasidan olgan jarohati sababli mavsumning katta qismini o‘tkazib yuborgan edi.