Франция терма жамоаси бош мураббийи Дидье Дешам юлдуз ҳужумчи Килиан Мбаппе Бразилия терма жамоасига қарши бўлиб ўтадиган ўртоқлик учрашувида иштирок этиши мумкинлигини маълум қилди.
«Килиан асосий таркибда майдонга тушиши мумкин, аммо учрашувни финал ҳуштагигача давом эттирмаслиги эҳтимоли бор. Шунингдек, унинг захирадан майдонга тушиш варианти ҳам мавжуд. Биз юлдузларимизнинг соғлиғини хавф остига қўйишни истамаймиз, чунки уларни олдинда ҳали кўплаб муҳим ўйинлар кутмоқда», — дея мутахассиснинг сўзларини келтиради RMC Sport.
Бразилия ва Франция ўртасидаги учрашув бугун, 26 март куни бўлиб ўтади. Ўйин Тошкент вақти билан тунги соат 01:00 да бошланиши режалаштирилган.
