ФИФА 2026 йилги жаҳон чемпионати учун янги қоидалар жорий этиш ҳақида қарор қабул қилди. Ушбу қоидалар ҳақида The Touchline нашри батафсил маълумот берди:
-
Тезкор алмаштиришлар: Футболчининг майдонни тарк этиши учун 10 сония вақт берилади. Агар вақт чўзилса, унинг ўрнига тушаётган ўйинчи фақат 1 дақиқадан кейин майдонга кириши мумкин бўлади.
-
Аут ва дарвозадан тўпни ўйинга киритиш: Футболчилар аутни ташлаш ёки дарвозадан тўпни ўйинга киритишни 5 сония ичида амалга оширишлари шарт. Кечикиш юз берса, тўпни ўйинга киритиш ҳуқуқи рақиб жамоага ўтади.
-
Тиббий ёрдам: Агар футболчига тиббий ёрдам кўрсатилса, у майдонни 1 дақиқага тарк этишга мажбур. Истисно ҳолат — агар футболчига нисбатан ишлатилган қўполлик учун рақибга карточка кўрсатилган бўлса, майдондан чиқиш талаб этилмайди.
-
VAR ваколатларининг кенгайиши: Видеоассистент энди иккинчи сариқ карточкаларни ва хато белгиланган бурчак тўпларини текшириш ҳуқуқига эга бўлади.
-
Сардор ва ҳакам: Ҳакам билан фақат жамоа сардори мулоқот қила олади. Бошқа ўйинчилар ҳакам билан гаплашишга уринса, дарҳол сариқ карточка билан жазоланади.
