Микель Артета «Арсенал» раҳбариятидан «Сандерленд» ярим ҳимоячиси Энцо Ле Фени сотиб олишни сўради.

Испаниялик мураббий ушбу футболчини «ярим ҳимояни кучайтириш учун устувор мақсад» деб ҳисобламоқда. Артета айниқса Ле Фенинг техник имкониятларини ва тўп билан муомала қилиш маҳоратини юқори баҳолайди. Мутахассиснинг таъкидлашича, бу фазилатлар унинг ўйин ғоясига тўлиқ мос келади.

Тахминларга кўра, трансфер суммаси тахминан 50 миллион еврони ташкил қилиши мумкин. Жорий мавсумда Энцо Ле Фе «Сандерленд» сафида 34 та ўйинда майдонга тушди. Уларда футболчи 5 та гол урди ва 4 та голли узатмани амалга оширди.