Италия терма жамоаси ҳужумчиси Мойзе Кин миллий жамоа сафида қаторасига 5-ўйинда гол урди.
«Фиорентина» ҳужумчиси ЖЧ-2026 саралаш босқичи плей-офф ярим финали доирасида Шимолий Ирландияга қарши кечган баҳснинг 80-дақиқасида ўз номини таблога ёздириб қўйди.
Бундан аввал Кин ЖЧ саралашининг гуруҳ босқичида Эстония билан бўлган иккита ўйинда гол урган ва Исроил дарвозасига дубль қайд этган эди. Унгача эса Миллатлар лигаси доирасида Германия билан баҳсда ҳам дублга эришганди.
Италия терма жамоаси сафида кетма-кет 5 та ўйинда гол уришга муваффақ бўлган охирги футболчи Сальваторе Скиллачи эди (1990 йилнинг июнь-июль ойларида).













