Миланнинг «Интер» клуби марказий ҳимоячиси Алессандро Бастони «Барселона»га ўтишга қизиқиш билдирмоқда.
26 ёшли футболчи Каталония клубида тўп суриш имкониятидан мамнун ва бошқа таклифларни кўриб чиқмаяпти, деб хабар бермоқда Sportitalia. Ҳозирда италиялик футболчи йилига тахминан 7 млн евро маош олмоқда, бироқ «Барса» унга бундан ҳам салмоқлироқ иш ҳақи таклиф қилишга тайёр. Шу билан бирга, манбанинг аниқлик киритишича, «Интер» билан музокаралар ҳали бошланмаган.
Алессандро Бастонига даъвогарлар орасида Англиянинг «Ливерпуль» клуби ҳам тилга олинган эди. Transfermarkt портали «нерадзуррилар» юлдузининг қийматини 70 млн еврога баҳолаган.
