«Манчестер Юнайтед» ярим ҳимоячиси Каземиро «Сантос» ҳужумчиси Неймарни Бразилия терма жамоаси таркибида кўришни исташини тан олди.
34 ёшли ҳужумчи «пентакампеонлар»нинг навбатдаги йиғинини ўтказиб юбормоқда — бош мураббий Карло Анчелотти уни таркибга жалб этмади.
«Мен Неймарнинг мухлисиман ва уни Роналду ҳамда Месси билан бир қаторда авлодимизнинг энг яхши уч нафар футболчисидан бири деб ҳисоблайман. Уни терма жамоага чақириш ёки чақирмасликни мен ҳал қилмайман, лекин у энг яхши спорт формасида бўлганида дунёнинг энг зўрларидан бири бўлиб қолаверади. Ҳаммаси Анчелотти, Неймарнинг ўзи ва «Сантос»га боғлиқ. Биз унинг маҳорати шубҳа туғдирмаслигини ва у исталган терма жамоани кучайтира олишини биламиз», — дея Каземиронинг сўзларини келтиради Topskills Sports UK.
Эслатиб ўтамиз, пайшанба куни бразилияликлар ўртоқлик учрашувида Франция терма жамоасига 1:2 ҳисобида имкониятни бой беришди.
