«Арсенал» қанот ҳимоячиси Бен Уайт фаолиятини «Ньюкасл»да давом эттириши мумкин. Бу ҳақда Sports Boom нашри хабар бермоқда.
Манба берган маълумотларга кўра, «зағизғонлар» Уайтни ёзги трансфер ойнасида жамоани тарк этиши кутилаётган Киран Триппьерга муносиб ўринбосар сифатида кўришмоқда. «Канонирлар» эса клуб бюджетини мувозанатлаштириш мақсадида 28 ёшли футболчини сотишга тайёр.
Жорий мавсумда Бен Уайт барча мусобақаларни инобатга олган ҳолда 21 та ўйинда майдонга тушди. Унинг ҳисобида битта гол ва иккита голли узатма мавжуд.
Нуфузли Transfermarkt портали мутахассислари Уайтнинг бозор қийматини 30 миллион еврога баҳолашмоқда.
