«Арсенал»нинг бразилиялик ҳужумчиси Габриэль Жезус жамоани тарк этади. Бу ҳақда Topskills Sports UK нашри хабар бермоқда.

Манба берган маълумотларга кўра, «канонирлар» раҳбарияти 28 ёшли футболчининг маоши юқорилиги сабабли у билан амалдаги меҳнат шартномасини узайтирмасликка қарор қилган. Хабар қилинишича, «Арсенал» таркибида яқин орада катта ўзгаришлар кутилмоқда.

Жорий мавсумда Жезус барча мусобақаларда жами 21 та ўйинда иштирок этиб, 5 та гол урди ва 2 та голли узатмани ўз ҳисобига ёздириб қўйди.

Габриэль Жезуснинг «Арсенал» билан амалдаги шартномаси 2027 йилнинг ёзига қадар мўлжалланган. Transfermarkt мутахассислари ҳужумчининг трансфер қийматини 20 миллион еврога баҳоламоқда.