Италиялик мутахассис Роберто Де Дзерби Лондоннинг «Тоттенхэм» клуби мухлисларининг ғазабига дучор бўлди. The Athletic нашрининг хабар беришича, «шпорлар» ишқибозлари ушбу мураббийнинг жамоага таклиф этилишига қатъий қарши чиқишмоқда.
«Тоттенхэм»нинг бир нечта мухлислар гуруҳи Де Дзербининг «Манчестер Юнайтед» собиқ ҳужумчиси Мэйсон Гринвуд борасидаги позициясидан норози. Мураббий «Марсель»даги биргаликдаги фаолияти давомида ҳужумчини қўллаб-қувватлаган эди. Аввалроқ Гринвуд оиладаги зўравонликда айбланган эди.
Ҳозирги вақтда «Тоттенхэм» бош мураббийи лавозимини Игор Тудор эгаллаб турибди. Бугунги ҳолатга кўра, «шпорлар» 30 очко билан Премьер-лига турнир жадвалида 17-ўринни эгаллаб турибди.
