«Интер Майами» клуби «Манчестер Юнайтед»нинг 34 ёшли ярим ҳимоячиси Каземиро билан музокараларни бошлади. Бу ҳақда журналист Фабрицио Романо ўзининг X ижтимоий тармоғидаги саҳифасида маълум қилди.
Инсайдер маълумотига кўра, бразилиялик хавбек МЛС клубига ўтишга тайёр, аммо унга Европадан ва Саудия Арабистонидан ҳам таклифлар бор. Аввалроқ матбуотда унга «Лос-Анжелес Гэлакси» ва «Ал-Иттиҳод» клублари қизиқиш билдиргани ҳақида хабарлар чиққан эди.
Каземиро 2022 йил ёзидан буён «Манчестер Юнайтед» сафида тўп суради. Жорий мавсумда у барча мусобақаларда 30 та ўйинда иштирок этиб, 7 та гол ва 2 та голли узатма муаллифи бўлди.













