Яқинда Англия ва Уругвай терма жамоалари ўртасида ўртоқлик учрашуви бўлиб ўтди. Жамоалар «Уэмбли» стадионида ғолибни аниқлай олишмади — 1:1 ҳисобидаги дуранг қайд этилди. Уругвай терма жамоаси ҳимоячиси Рональд Араухо Фил Фоденга қарши ишлатган қўпол подкати ҳақида фикр билдирди.

«Ўйиндан сўнг Фил Фоден билан гаплашиб олдим — у ҳаммаси жойида эканлигини айтди. Майдонда бундай ҳолатлар бўлиб туради. Мен ҳеч қачон унга шикаст етказмоқчи бўлмаганман, шунчаки тўп учун ўйнашга ҳаракат қилдим. У буни тушуниб турибди. Унинг соғлиғи жойида эканлигидан хурсандман», — деди Араухо.

Араухо ва Фоден топ-клубларда — мос равишда «Барселона» ва «Манчестер Сити» сафида тўп суришади.