Миланнинг «Интер» клуби «Барселона» билан музокаралар олиб бораётган марказий ҳимоячи Алессандро Бастони ўрнига номзод қидирмоқда.
«Кўк-анорранглилар» келаётган ёзда «нерадзурри» юлдузини ўз томонларига оғдириб олиш учун барча имкониятларга эга, шу сабабли миланликлар раҳбарияти унинг ўрнини босиши мумкин бўлган футболчиларни ўрганмоқда. FcInterNews нашрининг хабар беришича, «Интер» Бастонини топ-даражадаги ўйинчи билан алмаштирмоқчи ва асосий вариантлардан бири сифатида Рикардо Калафьори белгиланган. Милан клуби вакиллари аллақачон Лондоннинг «Арсенал» жамоаси футболчисининг агенти билан алоқага чиқишган.
Transfermarkt сайтида Калафьорининг нархи 55 миллион евро этиб белгиланган. Италия терма жамоаси марказий ҳимоячисининг «канонирлар» билан амалдаги шартномаси 2029 йилгача мўлжалланган.
