«Манчестер Юнайтед»нинг афсонавий собиқ ҳимоячиси Рио Фердинанд Сандро Тонали ва Бруно Гимараэснинг жамоага эҳтимолий ўтишини қўллаб-қувватламаяпти.

Инглиз мутахассисининг фикрича, «Ньюкасл»нинг ҳар икки ярим ҳимоячиси «қизил иблислар»га у қадар мос келмайди.

«Ўйлайманки, бизга анча динамик ва бақувват ярим ҳимоячи керак. У билан майдон маркази жисмоний жиҳатдан кучли бўлади ва энг зўр жамоаларга қарши тура олади. Ҳа, Тонали ва Гимараэс — топ-даражадаги ўйинчилар, мени нотўғри тушунманг, лекин менимча, клубимиз бошқача типдаги футболчини сотиб олишга ҳаракат қилади», — деди Фердинанд ўз подкастида.

Манкунианликларнинг трансфер мақсадларидан бири сифатида, шунингдек, «Ноттингем Форест» аъзоси Эллиот Андерсон ҳам тилга олинмоқда.