Франция миллий терма жамоасининг юлдуз ҳужумчиси Килиан Мбаппе март ойидаги ўртоқлик учрашувларидан сўнг ўз фикрларини билдирди.
«Биз учун ажойиб ҳафта бўлди. Биз завқ олдик. Ёзда кўришгунча», — дея ҳужумчининг сўзларини инсайдер Фабрицио Романо ижтимоий тармоқларда келтирмоқда.
Март ойида Франция терма жамоаси иккита ўртоқлик учрашуви ўтказди. Дидье Дешам шогирдлари Бразилияни (2:1) ва Колумбияни (3:1) мағлубиятга учратишди.
Шу йилнинг ёзида «учранглилар» ЖЧ-2026 мусобақасида иштирок этадилар. Французлар Норвегия, Сенегал ҳамда Боливия – Ироқ жуфтлиги ғолиби билан бир гуруҳдан жой олишган.
Маълумот учун, Франция ҳозирда амалдаги жаҳон вице-чемпиони ҳисобланади. Жаҳон чемпиони унвони эса Аргентина терма жамоасига тегишли.
