«Атлетико»нинг собиқ ҳимоячиси Филипе Луис Мадрид клуби у ўйнаган даврдагидан кўра анча ўсгани ва яхшиланганини таъкидлади. Бразилиялик футболчи 2010 йилдан 2019 йилга қадар Мадрид жамоаси шарафини ҳимоя қилган.
"Мен бу клубда жуда бахтли эдим. Биз катта муваффақиятларга эришганмиз, лекин ҳозир ҳис қилаётган энг асосий туйғум — "Атлетико" қандай даражага чиққанидан фахрланишдир. Клуб мен кетган вақтдагидан кўра беқиёс даражада катталашди. Бунда раҳбариятнинг, Симеоненинг ва юқори савияли футболчилар келганининг ҳиссаси бениҳоя катта. Ҳозирги таркибда маҳорати ҳайратланарли даражада бўлган футболчилар бор.
Мен қарши ўйнаш жуда қийин бўлган жамоани кўряпман: улар ҳам чуқур ҳимояланишни, ҳам юқори прессинг қилишни ва вертикал ҳаракатланишни билишади. Шунинг учун "Атлетико"га қарши ўйнаш доимо оғир. Кўз тегмасин-у, лекин улар Чемпионлар Лигаси [чорак финалида] "Барселона"дан ўтишларига умид қиламан — ундан кейин жуда қизиқ бўлади.
Ҳозирги "Атлетико"га қараб фахрланаман: бу клуб аввалгидан кўра анча яхшиланди ва юксалди", — деди Филипе Луис.
