Мадриднинг «Реал» клуби ва Франция терма жамоаси ҳужумчиси Килиан Мбаппе 2026 йилги Жаҳон чемпионатига қандай қилиб юқори спорт формасида етиб бориш борасидаги фикрлари билан ўртоқлашди.
«Жаҳон чемпионатига ажойиб ҳолатда йўл олишнинг энг яхши йўли — «Реал» билан барча совринларни қўлга киритишдир», — дея таъкидлади Мбаппе Telefoot нашрига берган интервьюсида.
Март ойида Франция терма жамоаси иккита ўртоқлик учрашуви ўтказиб, ҳар иккисида ҳам ғалаба қозонди. Дидье Дешам шогирдлари дастлаб Бразилиядан устун келишган бўлса (2:1), кейинги баҳсда Колумбия терма жамоасини мағлуб этишди (3:1).
Жаҳон чемпионатида Франция терма жамоаси «I» гуруҳида Сенегал, Норвегия ҳамда Ироқ/Боливия жуфтлиги ғолиби билан куч синашади.
