Ярим ҳимоячи Коул Палмер Лондоннинг «Челси» клубини тарк этиш ҳақида ўйламоқда, деб хабар бермоқда The Sun нашри.
Британиялик журналистларнинг маълумотларига кўра, юлдуз футболчининг эҳтимолий трансфери харидорга тахминан 170 миллион еврога тушади. Аввалроқ матбуотда Палмерга Мадриднинг «Реал», «Манчестер Юнайтед» ва Мюнхеннинг «Бавария» клублари томонидан қизиқиш борлиги ҳақида хабарлар тарқалган эди.
Англия Премьер-лигасининг жорий мавсумида 23 ёшли ярим ҳимоячи 20 та ўйинда майдонга тушиб, тўққизта гол урди ва битта голли узатмани амалга оширди. Коулнинг «аристократлар» билан амалдаги меҳнат шартномаси 2033 йил июнь ойи охиригача мўлжалланган.
