Мадриднинг «Реал» клуби ярим ҳимоячиси Эдуарду Камавинга жамоа ичидаги муҳит ва мураббий услуби ҳақида қизиқ фикрлар билдирди.
Футболчи бош мураббий Альваро Арбелоа иш услубини юқори баҳолаб, уни Карло Анчелотти билан таққослади.
«Арбелоа баъзан машғулотлардан кейин бизга ширинликлар олиб келади: пончиклар, Орео, спекулос... Жамоада кайфият яхши бўлса, майдонда ҳам ҳаммаси осон кечади.
У Анчелоттига жуда ўхшайди: бизга майдонда ҳам, унинг ташқарисида ҳам катта эркинлик беради. Футболчилар билан кўп мулоқот қилади», — деди Камавинга.













