Италия терма жамоаси ҳимоячиси Леонардо Спинаццола Жаҳон чемпионати — 2026 йўлланмаси учун кечган «А» йўли плей-офф финалида Босния ва Герцеговинага қарши ўйиндаги (1:1, пенальтилар сериясида — 1:4) мағлубиятдан сўнг ўз ҳиссиётлари билан ўртоқлашди.
«Биз бу ўйинга бор вужудимиз билан ёндашдик ва ғалаба қозониш учун уч-тўртта имкониятга эга бўлдик. Бу биз учун, оилаларимиз ва Италияни Жаҳон чемпионатида [кетма-кет учинчи бор] кўра олмайдиган барча италиялик болажонлар учун улкан умидсизликдир. Ёш футболчиларнинг йиғлаётганини кўриш жуда маҳзун, лекин уларнинг олдида порлоқ келажак турибди. Албатта, бу менинг Жаҳон чемпионатига бориш учун охирги имкониятим эди, бироқ мен бутун Италия учун афсусдаман», — дея Спинаццоланинг сўзларини УЕФА расмий сайти келтирмоқда.
Шу тариқа, Италия миллий терма жамоаси кетма-кет учинчи бор футбол бўйича Жаҳон чемпионатининг финал босқичида иштирок этмайдиган бўлди.
