Манчестер грандлари «Ноттингем Форест» ярим ҳимоячиси Эллиот Андерсон учун курашни давом эттиришмоқда.

Daily Mail нашрининг хабар беришича, айни дамда 23 ёшли футболчи учун кечаётган баҳсда «Манчестер Сити» ўз «қўшнилари» — «Юнайтед»ни ортда қолдирмоқда. Ҳар икки клуб ҳам «ўрмончилар» юлдузини шу ёзда ўз сафига қўшиб олишни режалаштирган. Бироқ, агар футболчи ўз истакларини Антуан Семеньо ҳолатидагидек аниқ билдирса, «қизил иблислар» курашни тўхтатиб, эътиборларини бошқа номзодларга қаратишади.

Transfermarkt портали экспертларининг талқинига кўра, Эллиот Андерсоннинг бозор қиймати 60 миллион еврони ташкил қилади. Хавбекнинг «Ноттингем Форест» билан амалдаги шартномаси 2029 йилнинг ёзига қадар мўлжалланган.