Италия терма жамоаси делегацияси раҳбари Жанлуиджи Буффон ЖЧ-2026 саралашининг ҳал қилувчи плей-офф босқичида Босния ва Герцеговинага имконият бой берилганидан сўнг (1:1, пенальтилар сериясида – 1:4) ўз фикрларини билдирди.
"Бу жуда нозик пайт. Вазиятга баҳо бериш учун бизга вақт керак. Мавсум июнь ойида якунланади, шунинг учун Федерация, президент ва бизга ишонган барча инсонлар олдида тўғри ва адолатли йўл тутиш учун ўша вақтгача қолишга қарор қилдик.
Агар ўйинимизда ижобий ўзгаришлар ва ўсиш сезаётган бўлсангиз, мен бундан жуда хурсандман. Бу мақсадларимиздан бири эди. Аммо, шубҳасиз, энг асосий мақсад Жаҳон чемпионатига йўл олиш эди.
У ерга бора олмаслик – ҳақиқатан ҳам жуда оғриқли. Ҳозир фикримиз тиниқлигини йўқотиш хавфи бор, шунинг учун шу ерда тўхтайман. Биз июнь ойигача шу ерда бўламиз, кейин эса нима бўлишини кўрамиз", — деди Буффон.
