"Тоттенхэм Хотспур" ҳимоячиси, ҳозирда ижара асосида "Гамбург"да тўп сураётган Лука Вушкович "Ливерпуль" эътиборига тушди. Бу ҳақда Bild нашри хабар бермоқда.

Мерсисайдликлар жорий мавсум якунида футболчини сотиб олиш имкониятини жиддий кўриб чиқмоқдалар. "Барселона" ва "Челси" ҳам ўйинчининг чиқишларини кузатиб боришмоқда — ушбу жамоаларнинг исталган бири учун Вушковичнинг сотиб олиниши узоқ муддатли сармояга айланиши мумкин. Қайд этилишича, "қизиллар" молиявий жиҳатдан ушбу трансферни амалга оширишга қодир, бироқ ҳозирча клуб бу йўналишда аниқ қадамлар ташлайдими ёки йўқми, номаълум.

Жорий клуб мавсумидаги 26 та ўйинда Вушкович 5 та гол урди ва битта голли узатмани амалга оширди. Transfermarkt портали маълумотларига кўра, ҳимоячининг ҳозирги бозор қиймати 60 миллион еврони ташкил этади.