Италиянинг «Наполи» клуби президенти Аурелио де Лаурентис Италия терма жамоасининг муваффақиятсизлигига муносабат билдирди. Эслатиб ўтамиз, «Скуадра адзурра» орзиқиб кутилган йўлланмани Босния терма жамоасига бой бериб, яна жаҳон чемпионатидан ташқарида қолди. Де Лаурентиснинг фикрича, ҳозир «айбдорларни» қидиришдан маъно йўқ.
«Ҳозир айбдорни қидиришдан мантиқ йўқ. Италия футболи кўп йиллардан бери мудроқ ҳолатда. Ва бу ҳаммани қониқтирмоқда. Шу сабабли ҳеч нарса ўзгармаяпти», — дея клуб раҳбарининг сўзларини келтирмоқда derbyderbyderby.it нашри.
Маълумот учун, Италия терма жамоаси охирги марта 2014 йилги жаҳон чемпионатида иштирок этган. Бироқ ўшанда ҳам жамоа гуруҳ босқичидан чиқа олмаган эди.
