Italiyaning «Napoli» klubi prezidenti Aurelio de Laurentis Italiya terma jamoasining muvaffaqiyatsizligiga munosabat bildirdi. Eslatib o‘tamiz, «Skuadra adzurra» orziqib kutilgan yo‘llanmani Bosniya terma jamoasiga boy berib, yana jahon chempionatidan tashqarida qoldi. De Laurentisning fikricha, hozir «aybdorlarni» qidirishdan ma’no yo‘q.
«Hozir aybdorni qidirishdan mantiq yo‘q. Italiya futboli ko‘p yillardan beri mudroq holatda. Va bu hammani qoniqtirmoqda. Shu sababli hech narsa o‘zgarmayapti», — deya klub rahbarining so‘zlarini keltirmoqda derbyderbyderby.it nashri.
Ma’lumot uchun, Italiya terma jamoasi oxirgi marta 2014 yilgi jahon chempionatida ishtirok etgan. Biroq o‘shanda ham jamoa guruh bosqichidan chiqa olmagan edi.
