«Барселона» ярим ҳимоячиси Фермин Лопес ҳеч қачон «Реал» сафида ўйнамаслигини қатъий таъкидлади.

Хорижий ОАВ футболчи иштирокидаги блиц-интервьюдан парча келтирмоқда:

— Қайси клубда ҳеч қачон ўйнамаган бўлардинг?
— «Реал»да.
— «Реал»нинг қайси футболчиси билан бирга ўйнашни хоҳлардинг?
— Ҳеч ким билан.
— «Реал»нинг ҳозирги футболчиларидан бирортасига қойил қоласанми?
— Йўқ.

«Барселона» айни дамда Испаниянинг амалдаги чемпиони ва Ла Лига пешқадами бўлиб турибди. «Реал» эса каталонияликлардан тўрт очко кам жамғарган ҳолда иккинчи ўринда бормоқда.

Фермин Лопес 2025/2026 йилги мавсумда 39 та ўйинда майдонга тушиб, 12 та гол урди ва шерикларига 16 та голли узатмани амалга оширди.