Бразилия терма жамоаси бош мураббийи Карло Анчелотти илк бор миллий жамоа бош мураббийи сифатида қатнашадиган жаҳон чемпионати олдидан ўз ҳис-туйғулари билан ўртоқлашди.
«Мен жаҳон чемпионати олдидан ҳаяжон сезмаяпман. Мен бахтлиман, руҳланганман, ўзимга ишонаман ва хотиржамман. Ўйлайманки, бизда яхши жамоавий тузилма ва самарали ишлаётган яхши муҳит бор. Биз хотиржаммиз», — деди мутахассис. Унинг сўзларини журналист ва инсайдер Фабрицио Романо ижтимоий тармоқда келтирди.
ЖЧ-2026 келаси ёзда АҚШ, Канада ва Мексикада бўлиб ўтади. Бразилия терма жамоаси C гуруҳида Марокаш, Гаити ва Шотландия жамоаларига қарши баҳс олиб боради.













