Франциялик марказий ҳимоячи Кастелло Лукеба шу ёзда «РБ Лейпциг» клубидан кетиши мумкин. Инсайдер Флориан Плеттенберг берган маълумотларга кўра, клуб раҳбарияти футболчини сотишга қарор қилган.

Германия томони Лукеба учун 65–70 миллион евро атрофидаги таклифларни кўриб чиқишга тайёр. Бу унинг шартномасида кўрсатилган товон пулидан (80 миллион евро) бироз камроқ демакдир. Аввалроқ, 23 ёшли футболчига Лондоннинг «Арсенал» клуби ва Премьер-лиганинг бир қатор бошқа жамоалари қизиқиш билдираётгани ҳақида хабар берилган эди.

Лукебанинг немис клуби билан амалдаги шартномаси 2029 йилгача мўлжалланган. Жорий мавсумда у 25 та ўйинда майдонга тушиб, 1 та гол урди ва 1 та голли узатмани амалга оширди, шунингдек, 2 та сариқ карточка олди. Transfermarkt портали унинг бозор қийматини 45 миллион еврога баҳоламоқда.