«Барселона» ярим ҳимоячиси Дани Ольмо фаолиятини Англия Премьер-лигасида давом эттириши мумкин.
Журналист Экрем Конурнинг маълумотларига кўра, испаниялик футболчи билан шартнома имзолашга «Манчестер Сити» қизиқиш билдирмоқда. «Шаҳарликлар» шу ёзда футболчининг трансферини амалга ошириш вариантини кўриб чиқишмоқда.
Дани Ольмо 2024 йилда «РБ Лейпциг»дан 55 миллион евро эвазига «Барселона»га ўтган эди. Унинг Каталония клуби билан шартномаси 2030 йилнинг 30 июнига қадар мўлжалланган. Жорий мавсумда ярим ҳимоячи «кўк-анорранглилар» сафида барча турнирларда 38 та ўйинда майдонга тушиб, саккизта гол урди ва еттита голли узатмани амалга оширди. Transfermarkt портали Ольмонинг қийматини 60 миллион еврога баҳоламоқда.
