Италия футбол федерацияси (FIGC) президенти Габриэле Гравина истеъфога чиқди. Бу ҳақда федерациянинг расмий сайти хабар берди. Аввалроқ Италия терма жамоаси 2026 йилги жаҳон чемпионати саралаш босқичи плей-офф финалида Босния ва Герцеговинага мағлуб бўлган эди (1:1, 1:4 пен.).
72 ёшли функционер истеъфо қарорини бугун Рим шаҳрида федерация бўлимлари раҳбарлари билан ўтказилган йиғилишда эълон қилди. У ушбу лавозимни 2025 йил февраль ойидан бери эгаллаб келаётган эди. FIGC президенти лавозими учун навбатдан ташқари сайловлар 22 июнга белгиланган.
Қайд этиш жоиз, Гравинанинг қарори ортидан Жанлуиджи Буффон ҳам Италия терма жамоаси делегацияси раҳбари лавозимини тарк этганини маълум қилди. «Скуадра адзурра» кетма-кет учинчи марта жаҳон чемпионатига йўлланмани қўлга кирита олмади.













