Лондоннинг «Арсенал» клуби ҳужумчиси Габриэль Жезус Премьер-лиганинг жорий мавсумидаги чемпионлик пойгаси ҳақида ўз фикрлари билан ўртоқлашди.
«Канонирлар» 31 ўйиндан сўнг 70 очко жамғарган ҳолда турнир жадвалида пешқадамлик қилмоқда. Улардан битта захира ўйинига эга бўлган «Манчестер Сити» (60 очко) ортда қолмоқда.
«Мен чемпионлик пойгасидаги имкониятларимизга тўлиқ ишонаман. Бунга шубҳам йўқ, чунки бизда ажойиб таркиб бор ва биз қулай вазиятдамиз. Жорий мавсумда муваффақиятга эришишимизга 100 фоиз ишонаман», — дея журналист Фабрицио Романо Жезуснинг сўзларини келтирмоқда.
Эслатиб ўтамиз, «Арсенал» ўзининг АПЛдаги сўнгги чемпионлик унвонини 2004 йилда қўлга киритган эди.
