«Пари Сен-Жермен» футболчиси Ли Кан Ин Мадриднинг «Атлетико» клуби трансфер мақсадлари рўйхатидан жой олди.
Журналист Фабрицио Романонинг хабар беришича, «матрасчилар» спорт директори Матеу Алемани бир неча ойдан бери 25 ёшли универсал футболчининг трансфери имкониятларини ўрганмоқда. Жанубий кореялик ярим ҳимоячи учун курашда мадридликларга Англия Премьер-лигаси вакиллари рақобат туғдириши мумкин.
Transfermarkt портали Ли Кан Иннинг қийматини 28 миллион еврога баҳоламоқда. Ҳужумкор вазифаларни бажарувчи хавбек 2023 йилда Испаниянинг «Мальорка» клубидан «ПСЖ»га кўчиб ўтган эди. Жорий мавсумда Луис Энрике жамоаси сафида 32 та ўйинда майдонга тушиб, ўз ҳисобига 3 та гол ва 4 та голли узатмани ёздириб қўйди.
