Миш-мишларга кўра, Хосеп Гвардиола амалдаги шартномаси тугашига бир йил қолганда — шу ёзда «Манчестер Сити»ни тарк этиши мумкин. Жума кунги матбуот анжуманида Гвардиола ўз келажаги ҳақида гапиришни истамади.
«Менинг келажагим? Бу ҳақда аллақачон кўп марта гапирганман», — деди Гвардиола журналистларга.
Бундан аввал Хосеп Гвардиола ҳақиқатан ҳам келажаги борасидаги саволларга жавоб берган, бироқ тушунарлики, ҳеч қандай аниқлик киритмаган эди.
«Манчестер Сити» навбатдаги ўйинини шанба куни, 4 апрель куни Англия Кубоги чорак финали доирасида ўз майдонида «Ливерпуль»га қарши ўтказади. Учрашув Тошкент вақти билан соат 16:45 да бошланади.
