Mish-mishlarga ko‘ra, Xosep Gvardiola amaldagi shartnomasi tugashiga bir yil qolganda — shu yozda «Manchester Siti»ni tark etishi mumkin. Juma kungi matbuot anjumanida Gvardiola o‘z kelajagi haqida gapirishni istamadi.
«Mening kelajagim? Bu haqda allaqachon ko‘p marta gapirganman», — dedi Gvardiola jurnalistlarga.
Bundan avval Xosep Gvardiola haqiqatan ham kelajagi borasidagi savollarga javob bergan, biroq tushunarliki, hech qanday aniqlik kiritmagan edi.
«Manchester Siti» navbatdagi o‘yinini shanba kuni, 4 aprel kuni Angliya Kubogi chorak finali doirasida o‘z maydonida «Liverpul»ga qarshi o‘tkazadi. Uchrashuv Toshkent vaqti bilan soat 16:45 da boshlanadi.
