«Штутгарт» ярим ҳимоячиси Чема Андрес футболда ҳатто академия даражасида ҳам Мадриднинг «Реал» клубида ўйнаш энг қийини эканини айтди.

"Реал"да ўйнаш — футболдаги энг мураккаб иш. Ушбу воқелик ҳамма нарсани белгилаб беради: энг зўр футболчилар айнан шу ерга келишни хоҳлашади. Академия учун бу даража янада юқорироқ кўтарилган ва бу ердаги шароитлар молиявий босим ҳамда таркиб динамикаси сабабли «Барселона»никидан тубдан фарқ қилади", — дея Андреснинг сўзларини келтирмоқда NY Times.

20 ёшли испаниялик футболчи ўтган ёзда «Реал» академиясидан Германия клубига кўчиб ўтган эди. У «Кастилья» (мадридликларнинг иккинчи жамоаси) сафида 35 та ўйин ўтказиб, 3 та голли узатмани амалга оширган.

Жорий мавсумда Андрес барча турнирларда 32 та ўйинда майдонга тушиб, 2 та гол урди ва 2 та голли узатма муаллифига айланди.