Мюнхеннинг «Бавария» клуби устози Венсан Компани жамоа аъзоси Майкл Олисенинг ўйинидан жуда мамнун. У футболчида Италиянинг «Наполи» клуби юлдузи Кевин де Брюйне билан тенглаша оладиган иқтидорни кўрмоқда. Компани Кевинни Бельгия терма жамоасидаги фаолияти орқали жуда яхши билади.
«Олисенинг ўйинини кўрганимда, доим менда "дежавю" ҳисси пайдо бўлади. Унинг тўпга зарба бериши, ҳар иккала оёғида алдамчи ҳаракатларни амалга ошириши — буларнинг барчаси менга Кевиннинг ўйинини эслатаверади», — дея Компанининг сўзларини келтиради derbyderbyderby.it нашри.
Эслатиб ўтамиз, франциялик футболчи 2024 йилда Мюнхеннинг «Бавария» клубига кўчиб ўтган эди. Ўша йили у Франция терма жамоасида ҳам дебют қилган.
