«Арсенал» бош мураббийи Микель Артета Англия кубоги 2025/2026 мавсуми 1/4 финалида «Саутгемптон»га (1:2) мағлуб бўлиш сабаблари ҳақида фикр билдирди. Ушбу натижа «тўпчилар»га мусобақанинг ярим финалига чиқиш имконини бермади.
— Бизда яхши имкониятлар бўлди, аммо улардан фойдалана олмадик, ўтказиб юборган голлар эса бизнинг даражамизга мос келмайди. Шунинг учун ютқаздик. Узоқ узатмаларга қарши ёмон ўйнадик, бу эса ғалати. Биринчи бўлимда тўп ҳимоямиз орқали ўтиб кетди ва рақиб яккама-якка вазиятга чиқди. Иккинчи гол ҳам шунга ўхшаш тарзда урилди. Буни тушунтириш қийин. Лекин рақибга муносиб баҳо бериш керак, — деди Артета.
Англия кубоги ярим финали учун қуръа 5 апрель куни бўлиб ўтади. Ушбу босқич ўйинлари 25 ва 26 апрель кунларига белгиланган.













