«Атлетико» устидан қозонилган ғалабадан сўнг «Барселона» Мадриднинг «Реал» клуби билан орадаги фарқни 7 очкога етказди.

Шанба куни «қаймоқранглилар» «Мальорка»дан мағлубиятга учради (1:2). Бироздан сўнг каталонияликлар асосий рақобатчисининг хатосидан унумли фойдаланиб, худди шундай ҳисобда «матрасчилар»ни мағлуб этди. Эндиликда «Барселона» ҳисобида 76 очко, «Реал»да эса 69 очко мавжуд. Opta маълумотларига кўра, Ла Лига тарихида ҳали ҳеч қайси жамоа 30-турдан кейин пешқадамдан 7 ёки ундан кўп очко ортда қола туриб, чемпионликни қўлга киритмаган. Альваро Арбелоа жамоаси «кўк-анорранглилар»ни титулдан маҳрум қилиши учун ҳақиқий жасорат кўрсатиши талаб этилади.

Ўтган мавсумда «Барселона» 88 очко жамғариб, «Реал»ни 4 очкога ортда қолдирган ҳолда чемпионатда ғолиб чиққан эди.