Мюнхеннинг «Бавария» клуби Мануэль Нойерга узоқ муддатли ўринбосар қидирмоқда. Германиялик дарвозабоннинг клуб билан шартномаси шу ёзда ўз ниҳоясига этади, қолаверса, Нойер яқинда 40 ёшни қарши олди.
Манбаларнинг хабарига кўра, немис клуби 23 ёшли нидерландиялик дарвозабон Барт Вербрюгген билан шартнома имзолашга қизиқиш билдирмоқда. Бу ҳақда TEAMtalk нашри хабар бермоқда. Қайд этилишича, дарвозабон учун «Тоттенхэм» ва «Ньюкасл» клублари ҳам даъвогарлик қилмоқда.
Вербрюгген 2023 йилдан бери «Брайтон» шарафини ҳимоя қилиб келмоқда. Жорий мавсумда голкипер АПЛда 31 та ўйинда майдонга тушди ва улардан 7 тасини гол ўтказмасдан якунлади.
