«Манчестер Сити» ярим ҳимоячиси Бернарду Силва мавсум якунида клубни тарк этади.

Бу ҳақда «шаҳарликлар» бош мураббийи Пеп Гвардиоланинг ёрдамчиси Пеп Лейндерс Англия Кубоги доирасида шанба куни «Ливерпуль»га қарши кечган ўйиндан (4:0) сўнг маълум қилди.

«Бир футболчини худди шундай бошқаси билан алмаштиришнинг иложи йўқ, чунки бунақаси бошқа мавжуд эмас. Бернарду Силва — ноёб футболчи. У ўйинни назорат қилади, ҳаракатланади, қарорлар қабул қилади, жамоани ўз ортидан бошлайди ва ечимларни кўра олади. Бу жуда қийин бўлади, чунки аввал айтганимдек, у ўйнамаган пайтда унинг йўқлиги дарров билинади — ва бу атиги биргина ўйин. Энди бутун бир мавсумни тасаввур қилиб кўринг.

Аммо ҳар қандай яхши воқеа қачондир якунига этади. Умид қиламанки, у [жамоадаги] сўнгги ойларидан завқ олади — олдинда атиги олтита тур қолди — ва муносиб тарзда хайрлашади. У бундай эътиборга тўлақонли лойиқ», — деди Лейндерс.

Бернарду 2017 йилдан бери «Сити» шарафини ҳимоя қилиб келмоқда ва клуб билан бирга 19 та совринни қўлга киритган. Улар орасида Чемпионлар лигаси ва АПЛдаги 6 та чемпионлик титули ҳам бор.