«Ливерпуль» клуби Англия Кубоги 1/4 финалида «Манчестер Сити»дан учралган мағлубиятдан (0:4) сўнг шошилинч йиғилиш ўтказди. Унда жамоа бош мураббийи Арне Слотнинг келажаги муҳокама қилинди, деб хабар бермоқда Sky Sports.
«Ливерпуль» Чемпионлар Лигасига йўлланма олиши шарт, акс ҳолда Арне Слот ўз ишини йўқотади. Шанба куни, 4 апрель куни «Ливерпуль» мавсумдаги 15-мағлубиятини қабул қилиб олди. Бу жамоанинг 2015 йилдан бери энг йирик мағлубияти бўлди ва бу ҳолат Слотга нисбатан жиддий босимни келтириб чиқарди.
Слот 2024 йилда «Ливерпуль» бошқарувини қўлга олган ва жамоа билан 2024/2025 йилги мавсумда Англия Премьер-лигасида ғолиб чиққан эди.
Ҳозирда «Ливерпуль» 49 очко билан Англия чемпионати турнир жадвалида бешинчи ўринда бормоқда. Бундан ташқари, «қизиллар» Чемпионлар Лигасининг 1/4 финалида ҳам иштирок этишади.
