"Барселона" қанот ҳужумчиси Ламин Ямал Европанинг кучли бешлик лигаларидаги барча футболчилар орасида муваффақиятли алдамчи ҳаракатлар (дриблинг) сони бўйича рейтингни бошқариб бормоқда. Бу маълумотни Barça Universal нашри эълон қилди.

Қайд этилишича, ўтган мавсум бошидан бери 18 ёшли Ямал 264 та муваффақиятли алдамчи ҳаракатни амалга оширган. Унинг бу кўрсаткич бўйича энг яқин таъқибчиси — "Реал" вингери Винисиус Жуниор бўлиб, унинг ҳисобида 151 та муваффақиятли уриниш мавжуд.

Жорий мавсумда Ямал барча мусобақаларда 41 та ўйинда иштирок этди, 21 та гол урди ва ўз ҳисобига 16 та голли узатмани ёздириб қўйди.

30 турдан сўнг "Барселона" 76 очко жамғарган ҳолда Испания Ла Лигаси турнир жадвалида пешқадамлик қилмоқда. Иккинчи ўринда бораётган "Реал" билан фарқ етти очкони ташкил этади.