«Милан»нинг португалиялик ҳужумчиси Рафаэль Леау жамоа учун жуда муҳим футболчи бўлиб қолмоқда, шу сабабли клуб уни сотиш вариантини кўриб чиқмаяпти.
Бу ҳақда «россонери» спорт директори Игли Таре маълум қилди ва ҳужумчининг ўйинидаги омадсизликларни жароҳатлар билан изоҳлади.
«Унинг шартномаси яна икки йил давом этади ва у биз учун жуда муҳим. Унинг маҳорати шубҳа туғдирмайди, жорий мавсум эса жароҳатлар туфайли бироз кўнгилдагидек кечмади», — дея Таренинг сўзларини келтиради Фабрицио Романо.
2025/2026 йилги мавсумда Леау барча клуб турнирларида 24 та ўйин ўтказиб, ўнта гол урди ва иккита голли узатмани амалга оширди. Аввалроқ «Милан» футболчидан қутулишни режалаштираётгани ҳақида хабарлар тарқалган эди.
