Дитмар Хаманннинг фикрича, «Галатасарой» ҳужумчиси Виктор Осимхен «Ньюкасл» таркибини кучайтириши мумкин эди.

«Менимча, Осимхен Европанинг энг яхши 5 та марказий ҳужумчиси қаторига киради. Унинг Туркияга йўл олганига ишона олмадим. Тўғри, «Наполи» унинг учун катта маблағ тўлаган, аммо инглиз клубларидан ҳеч бири уни қўлга киритмагани мени жуда ҳайрон қолдирди — ваҳоланки, ёзда ҳаммада марказий ҳужумчи билан боғлиқ муаммолар бор эди. Улар Шешко каби футболчиларни сотиб олишга ҳаракат қилишди, бошқалар эса эндигина мослаша бошлашмоқда, чунки уларга вақт керак.

Ўйлайманки, у [Осимхен] ажойиб ўйинчи ва «Галатасарой»нинг чемпионатда шунчалик муваффақиятли иштирок этаётгани айнан унинг хизматидир. Унинг ўйинини томоша қилиш менга завқ бағишлайди. Агар у АПЛда ўйнаганида, бир қатор жамоаларни сезиларли даражада кучайтирган бўларди.

«Ливерпуль»нинг ҳужум чизиғида икки нафар футболчи бор, шу боис Осимхен у ерга бормаслиги аниқ, лекин у ноёб иқтидор соҳиби. Унда тезлик, куч ва юқори голли вазиятлардан фойдаланиш қобилияти мужассам — шунчаки даҳшатли ўйинчи. Агар «Ньюкасл» Вольтемадени сотиб юборса, Осимхен «қарғалар» учун идеал вариант бўлиши мумкин», — деди «Ливерпуль»нинг собиқ ярим ҳимоячиси.