Испаниянинг Sport нашри хабарига кўра, «Ливерпуль» ва «Челси» клублари «РБ Лейпциг» ҳужумчиси Ян Диоманде трансфери учун 52 миллион фунт стерлинг сарфлашга тайёр.
Бу борада «Ливерпуль» Диоманде учун курашда асосий фаворит ҳисобланиши мумкин. Бунга сабаб — ҳужумчи аввалроқ Мерсисайд жамоасига бўлган хайрихоҳлигини очиқ айтган. Бундан ташқари, клуб футболчини асосий таркибда бевосита Муҳаммад Салоҳнинг ўрнини босувчи номзод сифатида кўрмоқда.
Бундан аввалроқ футболчига «Пари Сен-Жермен» ҳам жиддий қизиқиш билдираётгани ҳақида хабар берилган эди. Ўз навбатида, «РБ Лейпциг» Диомандени жамоада камида яна бир мавсум олиб қолмоқчи ва у билан шартномани узайтириш ниятида.
