"Реал"нинг собиқ ярим ҳимоячиси Гути футболчилар учун фаолиятини якунлагандан сўнг реал дунёга қайтиш қийинлигини айтди.
"Баъзан кимдир сени тўхтатиб, суратга тушишни сўрайди. Аммо ўйнашдан тўхтаганингдан сўнг ҳаётинг ўзгаради. Сен турган булут ёрилиб кетади, сен пастга қулайсан ва бу йиқилишдан кейин икки ёки уч йил давомида қаерда эканлигингни ва қандай дунёга тушиб қолганингни ҳали ҳам тушунмайсан. Фақат кейинроқ бу реал дунё эканлигини англаб етасан.
Бу ҳаммамиз яшайдиган ҳаёт. "Реал" ёки "Барселона"да бўлганингда, ерга тушмайсан. Қачондир пастга тушишингга тўғри келади, чунки одамлар билан мулоқот қиласан. Лекин сен пуфак ичида яшайсан ва бу ақл бовар қилмайдиган даражада. Булут устида яшаш ҳам сенга ёқиши мумкин. Бу жуда ажойиб", — деди Гути Imagin подкастида.
