«Бавария» дарвозабони Мануэль Нойер Чемпионлар лигаси чорак финали доирасидаги «Реал»га қарши учрашувни асосий таркибда бошлади.
Германиялик посбон учун бу Мюнхен клуби сафида Чемпионлар лигаси баҳсларини асосий таркибда бошлаган 136-ўйини бўлди. Ушбу кўрсаткич бўйича у «Барселона» собиқ ҳужумчиси Лионель Месси билан тенглашиб олди. Бу борада рекорд «Реал»нинг собиқ дарвозабони Икер Касильясга тегишли бўлиб, унинг ҳисобида 149 та ўйин бор.
40 ёшли Нойер шу кунгача «Бавария» либосида жами 591 та учрашувда майдонга тушган.
