"Барселона" таркибида тўп тепаётган португалиялик ҳимоячи Жоау Канселу каталонияликларнинг ҳозирги ўйин услуби ҳақида фикр билдирди. У бош мураббий Флик қўл остида клубда юз берган ўзгаришларни қайд этди.
"Флик бизга босим ва тўпга энг яқин турган ўйинчини таъқиб қилишга асосланган немисча услубни сингдирди. Бунинг шарофати билан сиз деярли ҳар доим ўйин тизгинини назорат қиласиз, аммо шу билан бирга кўпроқ таваккал ҳам қиласиз", — дея футболчининг сўзларини келтиради УЕФА сайти.
Канселу, шунингдек, катта миқдордаги таваккалчилик унга маъқул келишини ҳам таъкидлаб ўтди. 8 апрель оқшомида "Барселона" ўз уйида УЕФА Чемпионлар Лигаси чорак финалининг дастлабки ўйинида Мадриднинг "Атлетико" жамоасини қабул қилади.
