"Ливерпуль" бош мураббийи Арне Слот Чемпионлар Лигаси 1/4 финали доирасидаги "ПСЖ"га қарши дастлабки ўйин олдидан дарвозабонлар билан боғлиқ вазият ҳақида гапирди. Жароҳат олган Алиссон Бекер учрашувни ўтказиб юборади, унинг ўрнини Георгий Мамардашвили эгаллайди.
ОАВ вакиллари "қизиллар" устозидан бразилиялик посбоннинг йўқлиги ҳал қилувчи баҳсда жамоага қандай таъсир қилиши билан қизиқишди.
"Биз ўйинга тайёргарлик кўрдик ва агар ҳаммаси мен умид қилгандек кечса, бизга дарвозабоннинг ёрдами керак бўлмайди. Лекин бу қанчалик ҳақиқатга яқин? "ПСЖ" биттадан ташқари барча ўйинларда гол урди. Рақибимиз ҳужумда жуда кучли, шунинг учун, албатта, голкипернинг ҳиссаси муҳим бўлиши мумкин. Бироқ "Манчестер Сити" билан ўйиннинг дастлабки 35 дақиқасида дарвозабон сейвларига эҳтиёж сезилмаганди", — деди Слот матбуот анжуманида.
